Лаборатория иши — тоифа ТЕСТ ва ОҒЗАКИ жавоблари

Оддий ва мураккаб оқсиллар. Оқсиллар — аминокислоталардан пептид боғлар орқали тузилган полимерлар. Таркибига кўра икки гуруҳга бўлинади.

Оддий оқсиллар (протеинлар) — гидролизда фақат аминокислоталар ҳосил бўлади:

– албуминлар — сувда эрийди, плазма онкотик босимини таъминлайди, моддаларни ташийди;

– глобулинлар — тузли эритмаларда эрийди (иммуноглобулинлар, ташувчи оқсиллар);

– гистонлар ва протаминлар — ишқорий оқсиллар, ДНК билан боғланади;

– проламинлар ва глютелинлар — ўсимлик оқсиллари;

– склеропротеинлар (фибрилляр) — коллаген, эластин, кератин; таянч вазифаси.

Мураккаб оқсиллар (протеидлар) — оқсил қисм + оқсил бўлмаган (простетик) гуруҳ:

– гликопротеинлар — углевод билан (иммуноглобулинлар, айрим гормонлар, муцинлар);

– липопротеинлар — липид билан (ХМ, ЖПЗЛП, ПЗЛП, ЮЗЛП);

– нуклеопротеинлар — нуклеин кислота билан (хроматин, рибосомалар);

– хромопротеинлар — рангли гуруҳ билан: гемопротеинлар (гемоглобин, миоглобин, ситохромлар), флавопротеинлар;

– фосфопротеинлар — фосфат билан (казеин);

– металлопротеинлар — металл иони билан (ферритин, трансферрин — темир; серулоплазмин — мис).

Шаклига кўра оқсиллар глобуляр ва фибрилляр бўлади.

Лаборатория аҳамияти: зардобда умумий оқсил (65–85 г/л), албумин (35–50 г/л) ва оқсил фракциялари (электрофорез) аниқланади. Мураккаб оқсиллардан гемоглобин, липопротеинлар, трансферрин, ферритин, гликатланган гемоглобин клиникада кенг текширилади.

Эсда тутинг: оддий оқсил — фақат аминокислота; мураккаб оқсил — аминокислота + простетик гуруҳ.